ये कुछ काम जो घर में आसानी से कर सकते है

12,447 total views, 0 views today

Lahro ki khamoshi ko samundar ki bebsi mat samjho ye naadaan, jitni gahrayi andar hai, baahar utni tufan baki hai, samaj ke kuchh logo ki himmat dekhiye, paida karne wale ko hee kamjor samjhne ki jururat karte hai. aksar ghar par rahne vali mahilao ko kamjor, kam padhi likhi, buddhiheen aadi samjha jata hai. yah koi saamaany kaaran nahi par kathor sach hai.

 

Ghar par rahne wali mahilon ko kayi baar yah sunana padta hai ki, tum karti kya ho, ghar par hee to rahti ho. mujhe dekho din bhar daftar me mehnat karke chaar paise kamaata hoon, aisee soch valon ko shat shat naman. ek din ghar ka kam karke to dekhen, tab samajh me aaye ki mahilaye din bhar ghar par rahkar kya kya karti hai. antarashtriy mahila divas beet chuka hai to jaahir see bat hai apko yah sab baten bachkani lagegi aur vah bhi kisi ladki ki kalam se to aur jyada bachkani lagegi.

 

kayi bar ghar ka bojh halka karne ke liye bhi mahilaye office ka rukh karti hai. ghar aur office sath sath kaise sambhalti hai ye to ve hee janen. par in dono me samanjasy banakar hee chalti hai. sab sunti hai, sahti hai par khud ko apno aur gairo ke liye jhaunk deti hai. aaj ham aisi mahilao ke bare me bat karenge jinko daftar jane ki aajaadi ya vakt nahi hai. agar aap bhi apni aajivika khud hee arjit karna chahti hai to aise kayi raste hai jisase aap ghar baithe hee paise kama sakti hai.

aap ghar baithe hee in sab me se koi bhi kam karke asaani se paise kama sakti hai.

 

1. Blog

jara yaad kariye vo din jab aap college ki dairy ke pichhe gup chup kavitaye likhati thi. na jane kitne hee chapter aur vishayo ke notes banaye the apne. shadi aur ghar valo ko sambhalte sambhalte aapke andar ki nanhi eni fraink kahi gum see ho gayi. ab waqt hai apne andar ki quality ko jagane ka. aap blog likhkar asaani se ghar baithe hee paise kama sakti hai.

blog likhne ke liye vishay dhundhna bhi itana mushkil nahi hai. aap apni rojmrra ki jindgi se lekar alag alag vyanjano ki recipe ke bare me bhi blog likh sakti hai. blogs likhkar paise kamane ke liye apko online research karna padega. aamtaur par blogs ke liye shabdo ke anusaar paise milte hai.

 

2. Personal Shopping

agar aapke dost aur rishtedaro ko shopping ka waqt nahi milta to aap unki sahayta kar sakti hai. aap online hee unke liye shopping kar sakti hai aur apne grahako ke paas seedhe pahuncha sakti hai. isake liye aap shopping ka 10-15 pratishat hissa fee ke taur par le sakti hai. par dhyaan rahe ki aapki pasand achchhi ho varna apko koi fayda nahi hoga, dosto rishtedaro se sambandh bhi bigad sakte hai.

 

3. Direct Marketing

aap direct marketing ka kam bhi kar sakti hai. online makeup kaitalog bechne se lekar jewelry, vajan kam karne ke product, ghar ki cheeje aadi ke liye bhi direct marketing kar sakti hai. direct marketing me aap companion ki representative ke taur par kam karengi.

 

4. Craft Making

agar aapke paas art aur craft ka special talent hai to aap asani se ise business ka roop de sakti hai. aap doosro ke gharo ke liye bhi Decorative items bana sakti hai.

 

5. Ghar Par Banaiye Mithaiya

agar mithaiya, cake, pasty aadi banane me aap maahir hai to aisa aap doosro ke liye bhi kar sakti hai. aap ghar se hee apna saamaan doosro ke ghar deliver karva sakti hai. logo ko gunvatta aur swad dono milega.

 

  1. Computer Knowledge
    agar apko internet aur computer ka gyan hai tab to aap aur bhi asaani se ghar baithe hee paise kama sakti hai. aap ghar baithe hee apna business bhi shuru kar sakti hai.

Note: jaroorat hai to sirf buland hausalo ki, yaad rakhiye ki aapke andar bahut shakti hai aur aap hee sabki urja ka srot hai.

admin

आपने कीमती समय देकर ब्लॉग पढ़ा धन्यबाद, ये पोस्ट आपको पसंद आया हो तो शेयर करना न भूले, ताकि इसे ज्यादा से ज्यादा लोग पढ़ें, अपना विचार जरूर लिखे, इससे हमें और ज्यादा अच्छी और लेटेस्ट जानकारियाँ लिखने के लिए प्रेरित करेगा.

Leave a Reply

Your email address will not be published.